గిద్దలూరు గురించి క్లుప్తంగా

గిద్దలూరు అనే ఊరు దట్టమైన నల్ల్లమల అడవులకు బాగా దగ్గరిగా ఉన్నా ప్రాంతం ఎటు చూసినా నాలుగు వైపులా కొండలె కానీ ఊరు మాత్రం నాలుగూ కొండల మద్యన ఎత్తులో సహజంగా ఏర్పడింది, అందుకే దీనికి రాక్షస గడ్డ అనే పేరొచ్చింది, ఊరికి 10నుండి 15 కిలోమీటర్ల పడమరగా నల్లమల అడవులు ప్రారంభం అవుతాయి, ఇది చాల దట్టమైన అడవి కాని వాతావరణం ఎంతొ ఆహ్లాదంగా పచ్చగా ఉంటుంది, ఈ దారిలో బైక్ షికారు బాగా ఉంటుంది, దారిలో వాతావరణం చాల బాగా వుంటుంది విహారానికి కుటుంబంతో సహ వెళితే ఎంతో ఆనందగా ఉంటుంది, అడవి దాటి కొద్ది దూరం వెళ్తే అక్కడ ప్రసిద్ధ శైవ క్షేత్రం మహానంది ఉంది. అలాగే గిద్దలూరు కు దక్షిణంగా 25కిలోమీటర్లు వెళితే ఆదిముర్తి పల్లె దగ్గర కడప సరిహద్దు మొదలవుతుంది గిద్దలూరుకు అసలు ఆ పేరు ఎలా వచ్చిందంటే పూర్వం ఈ ప్రాంతంలో సిద్దులు అనే ఋషులు తపస్సు చేసుకుంటూ ఉండే వారట అందువల్ల ఈ ప్రాంతాన్ని సిద్దలూరు అని పిలిచేవారట కాలక్రమంలో అది కాస్త గిద్దలూరు గా ప్రసిద్దికెక్కింది, గిద్దలూరు లో ప్రాచినకాలం నాటి శివాలయం ఉన్నది అదే పాతాల నాగేశ్వర స్వామి దేవస్థానం, అలాగే ఊరిలొ కొండ మీద ఉన్నటువంటి నరసింహ స్వామి దేవస్థానం ప్రసిద్దమైనది, అలాగే కొండపేట ఆంజనేయ స్వామి దేవస్థానం, అలాగే కొప్పు వారి వీధిలో ఉండే పురాతన దర్గా కూడా చాల ప్రసిద్దమైంది మరియు పురాతనమైనది ఇందులో విశేషం ఏమిటంటే పాతాల నాగేశ్వర స్వామి దేవస్థానం లో మరియు కొప్పువారి వీధిలో ఉండే రాజాపీర్ హుస్సేన్ దర్గాలో చాల దూరమైనా సొరంగ మార్గాలు ఉన్నాయి. అలాగే గిద్దలూరు బద్వేలు దారిలో ఉండే ఖాదర్ వాలి దర్గా కూడా బాగా పురాతనమైనది, అలాగే రైల్వే స్టేషన్ కు అవతల కొండ మీద ఉండే దర్గా కూడా చాల ప్రసిద్దమైనది, ఈ దర్గాలలో ప్రతి సంవత్సరం ఉరుసులు జరుగుతాయి. ఇంకా నెమలి గుండ్ల రంగ నాయకా స్వామి దేవస్థానం దట్టమైన నల్లమల అడవుల్లో ప్రతి సంవత్స్తరం అత్యంత వైభవంగా తిరునాళ్ళ జరుగుతుంది.